“Nova Omnia Facio,” ang mga
salitang ito ay ipinakikita sa mga ginagawa ng ating Panginoon. Hindi niya
iniisip kung anu man ang kinasanayan o kultura na pumipigil sa kabutihan,
bagkus ang nasa isipan at puso n’ya ay mapaglingkuran at bigyan ng bagong
pag-asa ang lahat ng lumalapit sa kanya.
Ngunit ang pinaka-maganda na ginagawa ng pagbabago ng ating
Panginoon ay ang pagbabago sa ating mga sarili. Sa Salmong Tugunan, ang
paghilom ng diwa at kaluluwa ang inuuna ng Panginoon dahil dito nagmumula ang
kapayapaan at kagalingan na kinakailangan ng ating pangangatawan. Ang inner peace, na kung tawagin, ay isang
biyaya ng kagalingan at pagbabago ng ating Panginoon.
Tayo ngayon ay naghahanda sa paglalakbay na tinatawag
nating Kuwaresma. Sa linggong ito, hingin natin sa Panginoon ay biyaya ng isang
pagbabago: pagbabago ng ugali, pagbabago sa puso, at, higit sa lahat, ang
biyaya na maging instrumento ng pagbabago ng iba.
